lundi 12 novembre 2012


لماذا يتجاهل التحقيق و تصريحات الاعلام دور الحبيب الصيد في التستر على ارساليات كمال اللطيف و لماذا يخفي حقيقة اختطاف سمير الفرياني السنة الفارطة ؟
و لماذا القضاء لم يولي احداث السفارة و المؤامرة التي حصلت اهمية ربطها بالتحقيق الحالي ؟
لماذا عتم على دور السبسي ايضا و تنصله من متابعة حيثيات خبر الارساليات و تطيش الكورة للحبيب الصيد ؟
لماذا لم يقع ربط كل الخيوط ببعضها منذ 14 جانفي لليوم ؟
ايجهل قضاة التحقيق هذا ؟ ام غباء ام تحقيق لذر الرماد على العيون ؟
ام رغبة جدية من الجميع لاغلاق الموضوع و تمييعه و الاكتفاء بمعركة اعلامية يشد بعدها اللطيف ببوشتو و يا ناس ما كان باس ؟
لماذا متهم في قضية امن دولة مازال حر طليق ؟؟؟؟؟

الملف واضح الادلة و الحجج واضحة و القضاء يتستر و يتعامل مع القضية باستحمار
هناك رغبة سياسية واضحة من الجميع لغلق الملف لانه يشمل عديد الريوس الكبار و النية هي تسويات تحت الطاولة و قرصان لا اكثر
لو كانت هناك نية صادقة من القضاء او من الحكومة لاتخذ التحقيق طريق جدي و لاسقطت عدة رؤوس بالظربة القاضية و ترتاح تونس للابد من المافيات القديمة
القضاء اليوم اما ان يكون نزيه و شريف و شجاع و مهني او سيبقى
طول عمرو تحت الصباط و خواف و محاسبي ؛ كمال اللطيف بقائه في حالة سراح هذه تعني ان لا قانون و لا عدالة في تونس
و عدم ربط الارساليات باحداث السفارة و بتورط الحبيب الصيد شخصيا في التستر و المخطط الارهابي الذي كان ينوي القيام به اللطيف و قام بالبعض منه هذا يعني انو خيوط العصابة مربوطة في الروحية في السفارة في الغريبة في الفوضى التي عمت عدة مناطق
القاصي و الداني يعلم ان اللطيف و السبسي و الحبيب الصيد و توفيق الديماسي و نبيل عبيد متورطين بنسب متفاوتة في احداث السفارة و العبدلية و الارساليات و التحقيق لا ياخذ هذا بعين الاعتبار
كفى استحمار للشعب يا قضاء و كفى خمج سياسي و صفقات تحت الطاولة يا ترويكا الريحة طلعت ؛)



dimanche 11 novembre 2012

الطبقة السياسية برمتها اهدافها خونة و لا يخدمون مصلحة الوطن

الطبقة السياسية برمتها اهدافها  : 
بمعارضتها و الترويكا

*شروط بقاء اسرائيل 
لا تجريم تطبيع و لا القاء القبض على العملاء و لا دعم لا سياسي و لا مادي للمقاومة

*محاربة " الارهاب "
محاربة المسلمين و تطبيق قانون الارهاب الامريكي و تجفيف ينابيع التدين

*مقاومة الهجرة السرية
حتى يبقى التوازن الديمغرافي الحالي في اوروبا 

*الحفاظ على النظام الاقتصادي الغربي 
مواصلة التبعية الاقتصادية 

و لكم في الجري قبل السابعة صباحا للسفارة لتقبيل احذية الامريكان دليل 
و لكم في تصريحاتهم في احداث السفارة و تبعاتها من قتل للمتظاهرين و تبرير الجميع دليل 
و لكم في فيديو المرزوقي في اليوتوب للامريكان انذاك دليل
و لكم في كلام زيتون حول تعيين محافظ البنك المركزي و ضرورة موافقة مؤسسات النقد الدولية عليه دليل 
و لكم في كلام الجبالي حول الارهاب و السلم العالمي دليل 
و لكم في زيارات السبسي و امنة منيف و محسن مرزوق و غيرهم للخارج دليل 
و لكم في سكوتهم على قضية اللطيف و بوريس بويون و شيخ شارل نيكول و القناصة اجانب دليل و دليل

جميعهم خونة و لا يخدمون مصلحة الوطن ملخر

vendredi 9 novembre 2012

الى صفحات النهضة كفا استبلاها للشعب


الى صفحات النهضة كفا استبلاها للشعب 

نهار و ليل و انتوما هاو درا شكون يتامر على تونس هاو درا شكون يعرقل في " الثورة " هاو درا شكون يعاون في السبسي هاو اللطيف عمل هاو المعارضة شعملت

اولا السبسي لن يعود و اللطيف خرج من الظل للضوء و فرنسا تتامر على تونس هذا الكل معروف و يزيو من التولويل 

اكبر خطر على تونس هو انتم حكومة و حزبا 

من خان تونس و ارتزق للخارج هم انتم 

لذلك اخر ناس تتكلمو على " الثورة " و اهدافها هوما انتوما

حزب كمشة مرتزقة متبادلين الادوار سياسة " تقية " الشيعة و سياسة الخمج و الموامرات و التراكن 

لما يفهم حزبكم انو امريكا تنهار و ضعيفة و لما يفهم حزبكم انو الشعب هذا جابكم و ينجم يطردكم مهما عملتو 

لما تفهمو انو مجرد التقاط صورة مع تجمعي هو العار بعينه مش تعيينات وووو

لما تفهمو انو السلفيين مواطنين توانسة و ما يتحاكم حد لانه حرض على امريكيا

لما تفهمو انو نحنا نحتكم لما قال الله و ما قال الرسول مش للديمقراطية كيما قال مورو 

لما شيخكم يرجع فمو القديم و ينحي البهرج تع الرؤساء هاو تقبيل جبين هاو بوسان يدين 

لما شيخم ينأا بنفسه و حزبه عن الفساد مثل المهيري و ميلاد و الجيلاني 

لما الجبالي يولي يحكي بصدق و ينقص من الكذب و النفاق و الالتفاف 

لما اولادكم كي واحد يحكي معاهم يحكيو عل " الثورة " مش يبداو كي الكلاب المسعورة تقولو صباح الخير يقولك سبسي و انتخابات و كرسي وووو

الم تستحو من صور الزواري مع قيادات النهضة ؟ 

الم تستحو من زيارة شيخكم لجنازة ميلاد ؟

الم تستحو من انفسكم لقتلكم و سجنكم السلفيين و تقربكم للامريكان ؟ 

الم تستحو من انفسكم و الصحبي عتيڨ و محرزية في السفارة ؟ 

الم تستحو من انفسكم بعد تصريحات العريض في حنبعل ؟ 

الم تستحو من انفسكم بعد ظهور مورو في التونسية ؟

الم تستحو من انفسكم من كذب امين عام حزبكم الجبالي حول الامارة الاسلامية في دوار هيشر ؟ 

الم تستحو من انفسكم من بقاء كمال اللطيف حر طليق ؟ 

الم تستحو من انفسكم و نبيل عبيد يقول في المباشر الي عندو ريح يذري عشرة ؟

الم تستحو من انفسكم و في تونس بعد " الثورة " تهمة اسمها تحريض ضد امريكا ؟ 

الم تستحو من انفسكم من اعتقال رجال الثورة ؟

الم تستحو من انفسكم بعد ان كسر زيتون ريوسنا بالمحاسبة و الاعلام و ووووو ؟

الم تستحو من انفسكم و فضايحكم و خياناتكم كل يوم ماليا الفايسبوك ؟ 

و مازال عندكم فم و تتكلمو و تطالبو وووو ؟ و الله صدق من قال انكم تجمع بلحية 

خونة و ما تجيو كان خونة 

 خنتم الله و خنتم مبادئكم و الامانة

مرحبا بنا في عهد الفوضى الخلاقة في عهد الشرق الاوسط الجديد



تتذكرو كلام كوندوليزا رايس بعد 11 سبمتبر كيفاش يجب دمقرطة العالم العربي ؟
تتذكرو كلام اوباما في مصر دوب ما ربح في الانتخابات و لازم ديمقراطية في العالم العربي ؟
نسيتو حديثهم عن الفوضى الخلاقة بعد غزو العراق و يحكيو عل الشرق الاوسط الجديد بعد حرب لبنان ؟
صدفة تربصات المدونين في سفارات الولايات المتحدة في مصر و تونس و لبنان قبل الثورات ؟
صدفة ان الجيوش التونسية و المصرية لم تتدخل و يخلع بن علي و
مبارك هكاكة بدون مقاومة تذكر ؟
صدفة تتنحى الشريعة من دستور مصر و تونس ؟
صدفة يتنحى تجريم التطبيع في تونس و صدفة رسالة مرسي للنتنياهو ؟
صدفة قتل السلفيين في تونس و في مصر ؟
صدفة كل هذا ؟ ام معد سلفا ؟
هوما يعرفو ان الخلافة الاسلامية ستقوم لكن يستبقون الاوضاع و يمهدون اوضاع استباقية
دمقرطة العالم العربي تعني انك تتعارك مع المجاهدين في ارضك انتي و تنتقل المعارك من معارك جهاد ضد الامريكان الى معارك داخلية طاحنة تتواصل لعشرات السنين من الفوضى و الدمار
في تونس مثلا يعني اي ثورة ؟ ثورة على مين يا بابا ؟ ماو على التجمع ؟
التجمع موجود في الحكومة و المعارضة و يشكل احزاب و ينشط في الاعلام و في الجمعيات
تعني اي ثورة يا ماما ؟ ماو محاسبة الي قتلو و الي سرقو و الي عذبو ؟
الي قتلو و الي سرقو احرار بل بالعكس توا ولا القتلل بمرسوم 4 و بموافقة الجميع و السراق ولاو هوما المنقذين للاقتصاد و لا يجوز محاسبتهم
هل هذي ثورة يا ماما ؟ هل هذي ثورة يا بابا ؟
العركة اليوم بين المعارضة و الترويكا ليست الا معركة على سلطة ناس تتاجر بالدين و ناس تتاجر بالديمقراطية بينما الكلهم عملاء و الكلهم كيف كيف نفس السياسة و نفس التوجهات و نفس الافاق
ناس في سفارة امريكيا و ناس في سفارة فرنسا و ناس اصدقاء لكمال اللطيف و ناس اصدقاء لبشار و روسيا
الكلهم ولائاتهم لغير الله و لغير الاوطان

عاندو و كذبو كيما تحبو هذي معطيات و ماهاش تحليل ؛ حللو انتوما و ناقشو كيما تحبو
مرحبا بنا الكل في عهد الفوضى الخلاقة في عهد الشرق الاوسط الجديد

ثورات الدجال.....



لما هاذا تراه في الشارع يدور بعد ثورة ولا تراه في جنازة بعد ما يسمى ثورة
و المفروض انها ثورة قامت ضد هؤولاء فاعلم عزيزي ان لا ثورة قامت ولا شيئ
هي انتفاضة تربص بها المتربصون و خُطط لها مسبقا للركوب و التوجيه منذ ذهاب اوباما لمصر في 2009 و فتح صفحة جديدة مع العالم الاسلامي و هي تفعيل لكلام كوندي رايز بعد 11 سبتمبر 2001 سننشر الديمقراطية في العالم العربي
اذن فهي ثورات الدجال بكل صراحة و بكل بساطة ؛ قعدت مدة ونا نراجع و نكسر في راسي ؛ بعد الي قاعد نرا فيه من قتل و تنكيل للسلفيين و تصفية السجون من التجمعيين و مواصلة نهج السياسة الاقتصادية و السياسة الخارجية و المنوال المجتمعي للزعبوع اتضحت الرؤية

صورة عبد الرحيم الزواري الذي افرج عنه ليلة 7 نوفبمر في جنازة الفاسد عزيز ميلاد

7 نوفمبر 1987......



7 نوفمبر 1987 النخبة تع توا هي نفسها تع وقتها سلمت تونس لبن علي

7 نوفمبر 1987 راشد الغنوشي سلم الحكم لبن علي

حاسبوهم زادا على ضياع 23 سنة و قتل و تشريد و تعذيب و ترهيب و تفقير و تجهيل الشعب

هم نفسهم الي اليوم صورهم جابتلنا العار في سفارة العدو الامريكي

جابولنا العار و الذل ؛ و تحبو الامريكي ما ينزلش على رقبتهم ؟

و تحبو ما يقتلوش التوانسة امام السفارة ؟

و تحبوهم ما يعتقلوش الي قاللهم الي اتخذو امريكا ربا و الاه

و تحبوهم ما يخطفوش الي قال الي امريكا تكتب لهم دستورهم

و تحبوهم ما يحاكموش الي قاللهم امن الدولة يحكم في تونس نيابة عن واشنطن ؟

و تحبوهم يحاسبو كمال اللطيف ؟

و تحبو كمال اللطيف ما يسيبش ميليشياتو تخرب و تنهب تونس و تعتدي على زوجة المحامي ؟

عاودو اكتبو تاريخكم و شخصو الواقع تو تعرفو الحل

هاو منين يجي التشدد ؛ التشدد يجي من العار و الذل و كثر الفسق و الانحلال

التشدد يجي كنقيض يعمل توازن مع الردائة و الخيانة و الخسة

يقولو الي في الغرب ما فماش تشدد ؛ صحيح علاش بش تلقا غربي متشدد ؟ عندهم هوما سياسيين ذل و عندهم شكون يلحس لروسيا ولا الصين ؟ عندهم هوما شكون ينكر في ثوابت الحضارة الغربية ؟

عندهم هوما شكون فوق القانون و ما يتحاسبش ؟ عندهم هوما شكون يقتل و ما يتحاسبش ؟ عندهم هوما ناس تدور في هامر و ناس ما عندهاش بش تاكل ؟




الي صاير الكل وراه خير كبير ؛ ربي يحبنا و يوري فينا في حقيقة الاشياء و احنا ما نعرفوش

نبيل عبيد الي عندو ريح يذري 3000



محامي كمال اللطيف يحب يلبسها للشريف الجبالي انو يخدم في ليلى بن علي و يحب يضرب اللطيف و يولول كي النساء شقالك و شقال عليك ليلى بن علي مازالت تتصرف في القضاء و تعمل الي تحب بعد الثورة لغة حي درابك يسيب فيها 

و نبيل عبيد قالك نسمع في موزاييك بالصدفة : انا حمل وديع و فرقت العلالش و سمعتي تمست من الفايسبوك و اجهش بالبكاء بالرسمي و بعد قال انو منع تونس من انها تولي عراق كيما يحبو يردوها توا 

و هنا اش
ارة غير مباشرة و بش تعرفو الحملات الارهابية القمعية شكون وراها 

و في الاخر كي قالو شريف الجبالي راك مورط في قضية الغريبة قالو اني هاني في تونس و الي عندو ريح يذري عشرة الاف 

واضح ؟

حكومة الخونة

تسيب كبار رموز التجمع و تختطف شاب سلفي دعا للهدوء و كرر في المباشر نحن ابناء الشعب و سنصبر على الاذى

حكومة الخونة و الطحانة اتباعها يعتبرو المجرم علي العريض و الفاسد البحيري و الجهوي الحمار حمادي الجبالي و الزنديق راشد الغنوشي رجال دولة و يعتبرو السكير العربيد الطرطور المرزوقي حقوقي و يدافع على حقوق الانسان اما اتباع العجال هذوكم انظمو للتجمع نداء تونس

حسيبكم ربي يا خونة و نهار دون سابق انذار سيتنفض الشعب و يكنسكم و تبقالكم سفارة الولايات المتحدة و اللجوء السياسي هو الخيار الوحيد كالعادة

منافقين و تجار دين



توا تقولو الي صار في السفارة مؤامرة و تقيلو نبيل عبيد 
و تقولو احداث دوار هيشر مؤامرة و وراها نداء تونس
و في نفس الوقت يطلع الخاين علي العريض المجرم يقول انا عطيت التعليمات 
و في نفس الوقت تشدو في السلفيين على خلفية احداث السفارة
تقولو بش نطبقو قانون الارهاب و بعد تقولو لا 

و قاعدين اتطبقو فيه فعليا
تونس 7 كي تعدي ديديكاس لبن علي تقولو مؤامرة
و انتوما تسيبو الزواري و التكاري في ذكرى السابع 
شمعناها ؟ 
ارسيو على بر ساعة و بعد نفهموكم 
انتوما اصلا ماكمش فاهمين رواحكم 
هاك الطرطور يقول جراثيم و سرطان و بعد يعتذر 
و يقول ما فماش انتهاكات لحقوق الانسان 
و بالادلة فما انتهاكات 
باهي كي هي مؤامرة علاش تكملو فيها ؟ 
و علاش تواصلو فيها ؟ 
باهي نمشي معاكم اكثر من هكة 
العريض خاطيه ؟ 
باهي كي كل مرة تتواصل الانتهاكات الخطيرة شمازال قاعد يعمل ؟ 
كل مرة بش يعمل تحقيق ؟ وينهم النتايج ؟ 
باهي زيتون يقول بش نحققو اهداف الثورة 
اناهي الاهداف ؟ اهداف الثورة الامريكية ولا التونسية ؟
الجبالي يقول انو مع حل لجان حماية الثورة و بعد النهضة تقول لا 
و بعد يشيلو رجال حماية الثورة و زيد العريض يهدد فيهم !!!!
الدستور و نظام الحكم ؛ برلماني برلماني و الهوية و الاسرة و تجريم التطبيع وووووو
كل شيئ تنازلو عليه 
كمال الجندوبي عملو عليه حملة مسخ و سارق ووووو
و بعد عينوه على راس الهياة
ا بوڨلب من انتم ؟؟؟؟
تي كونو رجال الزح و قولو رانا بش نعملو هكا و هكا و هكا و موتو على دينكم
لواش الاتفاف و النفاق و الكذب و زيد كذب مشلق عيني عينك 
كمال اللطيف تفلمو و قالبين الدنيا ؟ تحبو الرسمي ؟ مادام الجبالي رئيس حكومة اللطيف ماهوش بش يتمس 
الحكاية حكاية جهويات هاو ملخر و الايام بيننا



مهازل و خيانات في واضحة النهار


مهازل و خيانات في واضحة النهار
اكبر فاسد وزير العدل السابق بشير التكاري يطلق سراحه و شاب سلفي بلال تعدى في التونسية البارح وقع اختطافه عشية هذا اليوم
و بعد كي نقولو خونة و مرتزقة و اعداء الثورة يقولو كيفاش و قانون و ما فما حد فوق القانون و حكومة تخدم

فهمونا شمعناها يتسيب التكاري و يختطف بلال و كمال اللطيف حر طليق ؟

فهمونا كيفاش التكاري يقع اطلاق سراحه ؟
فهمونا علاش تخطفو فيه بلال ؟
ويني حرية التعبير ؟
هز سلاح بلال ؟
قال رايو و رايو ما يعجبش تخطفوه ؟؟؟
و اللطيف شبيه ما تشدش ؟

اف لكم و لتاريخكم و الله لا عندكم نخوة و لا شرف تع رجال
مسيبين الي عذبوكم و ظلموكم و دايرين عل الزواولة
حتى اخلاق الباندية الي عندهم شرف ما عندكم يالي ما كمش رجال

يحبوه اسلام مايع يحكم بغير ما انزل الله



يحبوه اسلام مايع يحكم بغير ما انزل الله 
يحبوه اسلام لا يجاهد العدو الامريكي الصهيوني 
يحبوه اسلام فاشيون حداثي 
يحبوه اسلام باقتصاد غربي فاشي ربوي تابع للبنك الدولي و لال روتشيلد 
كي واحد يجيبلهم قال الله قال الرسول يدوروها تلبيس ارهابي متطرف و هاك اللغة
زعمتم انه لا يمثل التوانسة و انتوما شكون تمثلوا ؟ 
الكلكم في قالب بعضكم تمثلو كان 40 % من التوانسة 
و محمد البارودي و شكري صبة تمثلو كان 0 فاصل 
ما عادش تتكلمو عيشكم باسم الشعب 
الشعب هذا متنوع فما الي يعتقد بماركس و لينين و فما الي يعتقد بالاسلام الحق 
فما الي ما يؤمنش اصلا و فما الي اسلامو لايت 
و كلهم توانسة و حتى حد لاهو صي عليهم
مش انت تستقوى بالاعلام و باحزاب باعت ذمتها لعدو الامة معناها بش تقيمو الحجة
المسلم اخو المسلم و المسلم زادا يمشي بما قال الله و ما قال رسوله عليه الصلاة و السلام




يا كلاب التجمع يا عصابات الظلام يا صناع الفتن



يا كلاب التجمع ؛ يا عصابات الظلام ؛ يا صناع الفتن يا من صفقتم و انتفعتم و ناشدتم و دعمتم الزعبوع 
يا قتالة الارواح يا ڨرودة البوليسية يا كباش نطيح يا جلادة يا صبابة يا رخاس و يا جبناء يا حكومة الذل 
و يا رئيس يا طرطور و يا 217 كبول في التاسيسي ؛ سنبقى نحرض و نحرض و نحرض الى ان يخرج الشعب يوم ما دون سابق انذار كما خرج ذات 17 ديمسبر 2010 و يطهر البلاد و يحقق اهدافه بعيدا عن فتنكم و حساباتكم تحت الطاولة ؛ وين الهربة  وين ؟ قاعدينلكم على قلوبكم يا اما نحنا نقضيو عليكم يا اما نربيولكم جيل جديد بعد 5 سنوات يڨرمشكم بسنيه 

ملاحظة الثورة عملوها اولاد الحوم و اولاد الفيراجات و قعدت 10 سنوات تطيب على نار هادئة في الفيراجات و في ڨروبات الاولتراس من شمال البلاد الى جنبوها من سنة 2001 تشكلت اول قروبات الاتراس و هي الي كسرت شوكة و طيحته قدر الڨرودة و اسالو اولاد الحوم تو يحكيولكم اما نخبة عام ككح و سياسيين ما وراء البحار صدقوني يسمعو بيهم سمع  ؛ التحريض عقلية .A.C.A.B هي من اطاحت بنظام الزعبع لذلك هانا قاعدين نعاودولكم في نفس السيناريو ؛ وين الهربة وين ؟ قداش من واحد بش يهرب ؟ الي بش يتشد النهار هذاكا بش يخلص على الكل قديم و جديد و يعمل الله و كان واحد ربي طول في عمرو البوست هذا نذكركم به ؛ ثورة 2010 قامت دون سابق انذار و لم يتنبا بها لا سياسيين لا نخبة لا اعلام لا مدوني فريدوم هوس وحدهم اولاد الحوم و الفيراجات كانو يعدون لها و ينتظرونها بالدقيقة و الدرج

الخطة السبسية التجمعية



السبسي هو محامي شركات كمال اللطيف
كمال اللطيف يعين السبسي رئيس حكومة
السبسي يقوم بتعيين نبيل عبيد مدير عام للأمن الوطني و الديماسي و باقي الشلة
الخطة : نعطيو السلطة عويم من زمان نبلبزوها اعتصامات اشاعات نلغمو الادارات و الوزارات و الاعلام معانا و معارضة 13 جانفي معانا زادا و المجتمع المدني ايتام فرنسا معانا و نحرضو الجيش انو يعمل انقلاب و نوفرولو غطاء دعم سياسي داخلي و دولي و ان ما مشاش الجيش في
اللعبة نهيجو الامن يعمل عصيان للسلطة ؛ نعيفو الناس في حياتهم و نمشيوهم عل الحصحاص ، نجيبو شويه اغبياء من اليسار خايفين من النهضه و نضربو الترويكا من داخل باستقطاب نوابها و بتحريضهم للاستقالة و نعملو حزب نداء تونس و نجيوهم على انا المنقض صاحب مشروع الدولة و الحمل الوديع و رجل الدولة و كان رفضو ندوروها احداث قتل و تفجير و ارهاب و هايكا حكومة فاشلة

ملاحظة : هذا ما يعنيش انها حكومة فاشلة فعلا و جبانة

اللطيف متورط في قضايا تفجيرات و اغتيالات و فوضى و هو حر طليق



اي نعم يا شعب اللطيف متورط في قضايا تفجيرات و اغتيالات و فوضى و هو حر طليق و يدور من وسيلة اعلامية لاخرى و لم يحضر للتحقيق 

عبد الرحيم الزواري و ما ادراك ما عبد الرحيم الزواري حر طليق كيفو كيف قيس بن علي و المنصف العجيمي 

البوليس عطاوه اذن باستعمال القانون رقم 4 الي يقضي باطلاق الرصاص مباشرة منذ جوان 2012 يعني لم تعد هناك حاجة للقناصة توا اقتل عيني عينك مثل ما حدث ما دوار هيشر و السفارة و لم يفعل في سيدي بوزيد و قابس و جربة و غيرو 

تعذيب في المعتقلات و حملات امنية بالجملة مش للمجرمين و التجمعيين و السراق بل للملتحين و للي تظاهرو بعد العبدلية و السفارة 

9 قتلى من السلفيين التوانسة و المفوضية العليا لحقوق الانسان في تطاوين تحقق في مقتل لطفي نڨض 

ابو عياض منع تونس من زوز تفجيرات و صادرة فيه بطاقة تفتيش 

بريك تعدى في راديو شالوه 

امام جامع هز كفنو لانو زوز من وخايانو مازالو كي تقتلو و ما فهمتش وين هزان الكفن يعني انو يدعو للعنف 

الراجل قال نحنا بش نموتو بش نموتو كيف كيف صدرت فيه برقية تفتيش 

نقابة البوليس يدعو لتصفية السلفيين

اليوم في تونس براجات و دنيا مسركلة تقول في القدس المحتلة واحد عايش 

و بعد مازال شكون من الحكومة و المعارضة و الاعلام يحل الجلغة نتاعو و يتكلم على قانون و قضاء و دولة و ثورة و اهداف الثورة و يجب حل لجان حماية الثورة و ياسلو بكل وقاحة وين ماشية تونس 




تونس ماشية للخراب هاو وين ماشية لان الشعب سلمها لكمشة طحانة اشباه رجال و كمشة همل هاو وين ماشية تونس مادام لا فما عدل لا قانون لا تحقيق اهداف ثورة و مادامنا مازالنا تحت الاحتلال الامريكي و مادام الاقلية العلمانية هي الي تحكم باحكامها هوما و التجمعيين تونس ما تنجم تمشي كان للخراب ؛ خراب تلو الخراب 60 سنة و مازال

سياسة المكيالين مع السلفيين


السبسي كفر السلفيين و كفر الموتمر من اجل الجمهورية و كفر راشد الغنوشي سمعتوشي واحد تكلم ؟ 
نقابات الامن و البوليس و وزير الداخلية و اليسار و النهضة تدعو لفسخ السلفيين سمعتوشي واحد ندد ؟ 
الاسلفيين عامين كاملين مقصيين من الاعلام هاو عملو هاو ڨدو هاو جايبين ناس تفسر في الظاهرة كانه وجودهم في حد ذاتو حاجة غريبة سمعتوشي حد قال عيب ؟ 
900 معتقل يعذبون تلفق القضايا و يقتل منهم 9 بالرصاص في الراس بينما في صفاقس يقع اقتحام الولاية و في بوزيد و قابس و جربة و غيرو يحرقو المراكز و يقطعو الطرقات و يتسيبو سمعتوشي حد تكلم على تطبيق القانون ؟ 
محمد الكيلاني و توفيق بن بريك و عدنان الحاجي و الصغير ولاد حمد دعاو لهزان السلاح ضد الحكومة سمعتوشي حد تكلم ؟
زعماء السلفيين مطاردين امنيا و بن غربية في التلفزة يحكي قال السلفيين عندهم الحق في العيش كاينو عيشهم منة او هبة من احد سمعتوشي حد تكلم ؟ 
كمال اللطيف يتامر بالدليل و متورط في احداث عنف و قتل و فوضى و اختطاف توقفشي ؟ سمعتوشي حد تكلم ؟ 
تجمعي طلع في التلفزة و هدد بحمام دم سمعتوشي حد تكلم ؟
الي دعا لقتل السبسي ضربوه ب 4 شهر حبس هذا القانون يطبق في اتجاه واحد 
كي قال تونس تحكم فيها امن الدولة و امريكا خذب ياخي ؟ 
كي قال دستور تكتب فيه امريكا كذب ياخي ؟ 
هاو كل شيئ بالدليل و كل شيئ على عينك يا بايع 
السلفي خونا و ولدنا و بونا و حتى حد لاهو عامل عليه مزية و ماهوش مواطن درجة 3 
تعرفو الشعور بالغبن و القهر و انك تحس بالعنصرية و الظلم شنوا يعطي ولا لا ؟ 
هز السلاح السلفي و قتل التواسنة ؟ سكر كاياسات السلفي ؟ خطف الناس السلفي ؟ 
تجاوزات منا هنا و من هناك كيما الناس الكل علاش هو بالذات يدفع الفاتورة ؟
تحبو العدل و القانون طبقوه عل الكل و ابداو بالي قامت عليهم ثورة ابداو بالي سرقو و الي قتلو و الي عذبو و بعد تعداو للي تجاوزو من السلفي ولا من النهضاوي ولا من اتحاد الشغل ولا من اليسار وقتها الناس الكل تقلك الله يعينك و اخدم خدمتك اما ناس فرض و ناس سنة لا
وينو مروان المبروك و شفيق الجراية و كمال اللطيف و كمال مرجان و الهادي البكوش و المهيري و المزابي و السبسي و لزهر العكرمي ووووووو 
اخواننا السلفيين نعاودها و نكررها ما تحصلوش و اجركم على رب العالمين اعملو الدعوة و سيبو السياسة المسخة ليهم نصيحة و ليس تهديدا ؛ الناس هذي منافقة و تحسب و تعامل الشعب بسياسة المكايلين حطو هذي بعين الاعتبار ؛ الناس الكل تعرف الحقيقة اما تبخسكم حقكم و ما تنصركمش عندكم ربي و هوما سيلفظهم الشعب اجلا ام عاجلا 


ملاحظة : نحن لا نقدرو لا نهضة ولا موتمر و لا معارضة و لا رشيد عمار و لا حتى انسان 
الظلم ما نحبوهش نحبو بلادنا و نعرفو مصلحة بلادنا و نعرفو شنقولو ؛ يعني حتى حد لا يجي يعطينا دروس ولا يزايد علينا و لا يشكك فينا

اخواننا السلفيين نصيحة من اخ و من مسلم و من شريك في الوطن

اخواننا السلفيين نصيحة من اخ و من مسلم و من شريك في الوطن 
تتعرضو لمظلمة كبيرة و استفزازات يومية مدة عامين 
الناس الكل طالبة ريوسكم و الكلها تزايد بيدكم في الداخل و الخارج
نصيحة ارزنو و تحكمو في اعصابكم اكثر ما يمكن و ضحيو ميسالش و اجركم على رب العالمين 
يحبوكم وقود لحرب اهلية طاحنة ؛ اليوم انتم مستضعفين و قدامكم شعب يتفرج و ماهوش بش ينصركم وقتلي تتعذبو و تتقتلو و تتوقف منكم 900 
ما يتكلمو كان كي تردو الفعل ردو بالكم اخواني و تريثو و اصبرو و ضحيو حتى يجعل الله مخرجا 
كلام الشيخ متشنج و يزيد الطنة بلة نعذرو و نفهمو عندو دم مازال ما جفش اما الخطاب هذاكا غالط و ما يجيش 
بالله اخواني البلاد هذي بلادكم حتى و ان ظلمكم اهلها اصبرو و صابرو و اجركم على رب العالمين 
البوليس ماكم تعرفوه و الحكومة ضعيفة و عليها ظغوط من الداخل و الخارج خوذو هذا بعين الاعتبار 
اخواني حطو ربي بين عينيكم و حطو مصلحة 12 مليون تونسي و دمهم و عرضهم و اموالهم و ربي ان شاء الله يجعل صبركم في ميزان حسناتكم ؛ الوقت و الظرف حساس اجبدو رواحكم و خليوهم يتقاتلو الطبقة السياسية برمتها و ما يتاجر حد بيكم و ما يستغلكم حد عن قصد او لا