يا شعب و يا ثوار ضريبة المحاسبة باهضة
ضريبة القطع مع الماضي غالية فاستعدوا
الفوضى = نجاح الثورة المضادة
تذكرو شصار في مصر في التحرير و بور سعيد و غيره
تذكرو سيناريو الجزائر
اعداء الثورة ماهمش قطاطس راو ؟ ناس تدافع عن ريوسها
ناس تدافع عن المليارات المنهوبة و اولادهم و جيرانهم ماهمش كعبتين و كعبة راو كيما تتصورو
الخارج مايحبلكمش الحرية و التقدم و الرقي ماهمش يتفرجو راو ؛ عندهم بيادقهم يحركوها و كان لزم تموت الاف هنا و مصالحهم ما تتمسش
افهمو و ايقنو نضحيو شويا و نعيشو بعد لاباس و نمنعو الاجيال القادمة
الي يحب يخدم عليه باسترجاع الاموال المنهوبة الي هي بالاف الميارات و عليه الدفع نحو المحاسبة و افشال سيناريوات يعلمها الا الله
الي يحب دم الشهيد كيف كيف يضحي لو خيرونا بين المحاسبة و التضحية نضحيو مرة في حياتنا و نصبرو
ضربة موجعة للديوانة و ما ادراك ما الديوانة رزق السراق و ملياراتهم اصبحت في خطر
القضاء ما القضاء اقالة 80 فرد ضربة مش بش يسكتو و يبقاو يتفرجو عليك
التجمعيين و فما قانون في التاسيسي يتداولو فيه لمنعهم من الحياة السياسية كيف كيف مش بش يتفرجو فيكم
و فما اخبار لحركة تطهير كبرى في السفارات
هذا الكل و الداخلية مازالت ؛ استعد يا شعب لام المعارك و كون مسؤول و واعي و فاهم
كان الحكومة مشات في هذا التمشي ندعمها و كان تخاذلت ننزلو عليها بالشارع و بالفضاء الافتراضي
Aucun commentaire:
Enregistrer un commentaire
Remarque : Seul un membre de ce blog est autorisé à enregistrer un commentaire.