عندكم مسوولية تاريخية ستاسالون علينا امام الله و امام الشعب و امام التاريخ
دولة الثورة لازمها تنجح
لازمها تحقق اهداف الثورة الاولى المحاسبة و اجتثاث النظام القديم
و ثانيا تحقيق العدالة و التقدم الاقتصادي و الاجتماعي و الاستقرار السياسي
انتم اليوم تتحملون المسوولية اكثر من غيركم لانكم في السلطة
دولة الثورة لازمها تنجح حتى لا تكون حجة للفلول للمقارنة مثل ما هو حاصل الان و التاثير على الخبزيزستية الي هوما اغلبية الشعب
ان التجمع خير من النهضة و ان حكم بن علي خير من حكم الترويكا ؛ هم يقارنو يظلو في الخبزيستية بالاعلام و بوجوه زعمة زعمة عندها تاريخ نضالي حتى يكون كلامهم عندو مصداقية و لكنهم في الحقيقة يكرهون الثورة التي جعلتهم في مزابل التاريخ ؛ يكرهون الثورة و رموزها و اماكنها
لانها سوف تقضي على الاف المولفة الي عايشين بفلوس الشعب و ياخذو في امتيازات ماهاش حقهم و بش يحافظو على شيخاتهم و فسادهم
و فما ناس اخرى تتاثر بالاعلام النوفمبري و بصفحات المجاري الي صورولهم انو تونس اصبحت افغانستان و ان نظام بن علي احسن لانه لان هناك استقرار و امن ؛ نفس لغة بورقيبة و بن علي تتعاود لكن في لوك 2012
دولة الثورة لازم تنجح بش الناس الي تهمشت و فاقدة للامل ترجعلها كرامتها و حقوقها و يكونو هوما اكبر مدافعين عن الثورة مش في موقف الامبالاة و السلبية من الوضاع المزرية
دولة الثورة لازم تنجح و لازمكم تاخذو نهج ثوري بلاش اغلاط غبية تع حسابات جبانة مثل تعيين الصيد و النصايري و استقطاب "تجمعيين نظاف" في النهضة و غيرها
بش تنجح دولة الثورة ابداو برواحكم ساعة صلحو اغلاطكم يا ترويكا و تبعو خيار الشعب قبل ما تتهمو المعارضة انها ضد خيار الشعب
حتى انتوما كيف كيف ضد خيار الشعب حبيتو ولا كرهتو
الشعب انختبكم على هاجتين اسقاط النظام بالكامل و القطع التام مع الماضي و اجتثاث القدم
و ثانيا للدفاع عن هوية البلاد الدينية و الثقافية و الحضارية و ان تعود تونس للحضن العربي و الاسلامي مش الحضن القطري او البريطاني
لذلك نجاح دولة الثورة هو نجاح للثورة و فشلها لا قدر الله ستححملون وزره انتم و ابنائكم و يلعنكم التاريخ و تكون حجة كذلك لانظمة القمع على شعوبها ؛ ملخر استرجلوا ولا روحوا
Aucun commentaire:
Enregistrer un commentaire
Remarque : Seul un membre de ce blog est autorisé à enregistrer un commentaire.