يالي تحبو تحرقو البلاد

يالي تحبو تحرقو البلاد لانه نتائج الصندوق ماجاتش كيما تحبو
سوف تذهبون لمزبلة التاريخ و تبقى تونس لاباس
تمشي النهضة و يمشي المؤتمر و تبقى تونس
خممتوشي في تونس ؟ برشة منكم انانيين تخممو كان في رواحكم
كان جيتو تخممو في تونس ماتعملوش ربع الي تعملو فيه
احقدو على النهضة احقدو عل الاسلاميين احقدو على المرزوقي احقدو على اليساريين احقدو على الكل
الكلم ماشين فما الي ماشي للقبر و فما الي ماشي لمزبلة التاريخ و ستبقى تونس ؛ تونس الي عمرها 3000 سنة
تونس الي حكمت في البحر الابيض المتوسط 500 سنة و عملت حضارة الي اغلبكم ما يعرفوش تونس الي فتحوها احفاد الرسول عليه الصلاة و السلام تونس الي تنشر منها الاسلام لاوروبا و افريقيا ؛ تونس الي الغات العبودية و عملت اول دستور في التاريخ تونس الي طردت الاستعمار و خلعت الطغاة تونس الي دعمت الفلسطينين و الليبين و الجزائريين اخواننا تونس الي الي الي الي ؛ قداش تكرهوها هال البلاد و قداشكم منافقين ؛ قد ما سرقو و نهبو و قتلو و حاربو هويتها و دينها و تقاليدها و تونس بقات وصمدت و بش تصمد لان الله حافظها تونس بلاد الخير بلاد الماء و الزيتون و الجبل و الصحراء و الرجال تونس بلاد ولادة و عزيزة و غالية دافعو عليها رجالها و نساها بالدم و بالعرض ؛ مش اليوم كمشة كرايك بش يغيرو مجرى التاريخ و يحطموها ؛ تونس الي ذلها المخلوعين و خلا الشعوب تتمنيك عليها عل الفساد و الخمج اكرمها ربي بش تكون اول بلاد تقوم فيها ثورة و اول بلاد فيها حرية ماتفهموش ؟ ما تتعلموش ؟
ناقصين برشة حاجات اي لكن فما برشة حاجات تحققت و الباقي ان شاء الله نحققوه و تبقا تونس و بش تبقى تونس شاء من شاء و ابى من ابى و الي مش عاجبو يشرب من بحيرة اشكل ولا من شط الجريد