رسالة للمعارضة

المعارضة لانكم اغبياء و مهرجون و سقاط لانكم تحالفتم مع محمد الغنوشي و السبسي و جيتو ضد القصبة و كيتو ضدنا كل ما نهبطو للشارع ناكلو الضرب تقولو احنا مخربين و تابعين النهضة او بن سدرين او حمة الهمامي و قلتو زادا اننا تابعين جراد تتذكرو ؟؟؟
لاننا جينا ضد فيلم لا ربي لا سيدي و برسيبوليس بينما انتوما تحكيو على حرية التعبير
لاننا عام و نصف نسمعو فيكم تحكيو كان النهضة و السلفيين عمركم لا تكلمتو على اقصاء التجمعيين و المحاسبة و تطبيق اهداف الثورة لذلك انتخبنا الترويكا لاننا ماعندناش بديل و كيما يقولو عندك في الهم ما تختار
و كي احنا نبداو نعارضو في الحكومة و نضغطو عليها تطلعولنا بحكاية حولة بودورو تعاودو تفشلونا نعاودو نوليو ندعمو الحكومة شماتة فيكم
لذا ارتاحو و اسكتو احنا الي نعارضو الحكومة وقتلي تغلط و احنا الي نضغطو عليها بش تحقق اهداف الثورة و احنا الي نتظاهرو ضدها زادا في الشارع بينما انتم مكانكم مزابل التاريخ و مكانكم الاعلام الاسلاموفوبي و مواقع الكذب و صفحات التهريج لذلك انتم صفر فاصل لانكم ماتعارضوش الغلط انتم تعارضو من اجل المعارضة فقط ماعندكم حتى برنامج و ما عندكم حتى مصداقية ؛ اغلبكم من مطبلي بن علي و من معارضي الثورة اغلبكم يوم 13 جانفي شارك في مؤامرة لتسكيت الشعب و اغلبكم شارك مع الغنوشي و السبسي و مازال لليوم يسميت من اجل الدفاع عن التجمعيين و يسمتيت ايضا في محاربة هوية الشعب نسيتو ياخي كي هبطو للشارع تدافعو عن العلمانية ؟ نسيتو كي دافعتم عن جراد ؟ نسيتو ياخي كي هاجمتو فرحات الراجحي ؟ نسيتو ايام الحملة الانتخابية ناس حملتها تشغيل و محاسبة و انتم حملتكم النهضة عملت و العلمانية و هاك اللغة البنفسجية تع بن علي ؟ نسيتو موقافكم من الفرياني و من العجيمي ؟ نسيتو مواقفكم من الاعلام ؟ صورتوه مناضل و شريف و منعتم تطهيره ؟
عمركمش يا ناس سمعتو المعارضة حكات عل القناصة و المحاسبة و اقصاء التجمعيين و الحفاط على هوية البلاد ؟؟؟
تسمعوهم كان : حداثة رجعية ارهاب سلفيين و تجمعيين نظاف تدجين الاعلام فايسبوك ماجور اضرابات ووووو
كل التفاهات الا اهداف الثورة اسقاط النظام و هدمه و اجتثاثه
شكون فيكم تكلم على رمزي تع نواة ؟ شكون فيكم تكلم على القضاء العسكري ؟
لذلك يا معارضة براس امكم سيبونا نتصرفو احنا مع الحكومة و انتوما ابقاو تفرجو و تو تشوفو احنا ضغطتان شنوا يجيب و انتوما شنوا تجيبو ؛ نجيب الشابي و مي الجريبي كان جات الدنيا دنيا ملي كان البي دي بي 20% يوليو 4 % تستقيلو و وجوهكم ماعدش نراوها في السياسة كيف كيف للقطب و احمد ابراهيم زعيم حزب التجديد حزب الشيوعي سابقا الي جا ضد الاستقلال و الي شطر اعضائه يهود ملخر كيف كيف بالنسبة لمرجان و جغام و السبسي و بقية العصابة
تحبو تعلمو معارضة ؟ كونو معارضة نظيفة تدافع عن اهداف الثورة و هوية البلاد تو وقتها الناس تصوتلكم و يكون الشعب عبدو خيارات ؛ اما بلاد بلاش معارضة هذاكا اكبر خطر يتهدد الديمقراطية اصلا
و بالنسبة للترويكا مش خاطر ماعندناش معارضة بش نسكتولكم احنا نعارضوكم اكثر منهم لو حدتم و ندافعو عليكم لو مشيتو في صف اهداف الثورة ة السلام